Procedure to obtain NOC for Non-Agricultural Land from PWD

बिनशेती (अकृषिक - NA) ना हरकत दाखला मिळवण्याची सविस्तर कार्यपद्धती
(रहिवास / वाणिज्य / औद्योगिक / आयटी)

नियमावली व आधारभूत शासन निर्णय: शासन निर्णय क्रमांक आर बी डी/1081/871/ रस्ते-7/ दिनांक 09/03/2009 व सुधारित महाराष्ट्र जमीन महसूल संहिता (MLRC) 1966 कलम 44 अन्वये मार्गदर्शक तत्त्वे.

१. आवश्यक कागदपत्रे चेकलिस्ट

अ) उपविभागीय अधिकारी (SDO) / प्रांत अधिकारी अथवा जिल्हाधिकारी यांचे अधिकृत पत्र किंवा अर्जदाराचा अर्ज.

ब) नवीन अद्ययावत ७/१२ उतारा व ८-अ उतारा (३ महिन्यांच्या आतील तारखेचा व डिजिटल स्वाक्षरित).

क) प्रमाणित गाव नकाशा: संबंधित गट नंबर / सर्व्हे नंबर रंगाने व स्पष्ट सीमेसह दर्शविलेला.

ड) तालुका भूमापन अधिकारी (TLR / CADASTRAL) यांचा मूळ कडक मोजणी नकाशा.

इ) प्रस्तावित ले-आऊट प्लॅन (Layout Plan): नोंदणीकृत आर्किटेक्ट / टाउन प्लॅनर आणि सर्व जमीन मालकांच्या स्वाक्षऱ्यांसह.

फ) ७/१२ उताऱ्यावर एकापेक्षा जास्त सहधारकांची नावे असल्यास:

• इतर सर्व सहधारकांचे रु. १०० च्या स्टॅम्पवर संमती पत्र.
• TLR / ले-आऊट नकाशावर सर्व सहधारकांच्या स्वाक्षऱ्या.
• उपअभियंता / शाखा अभियंता यांची प्रत्यक्ष स्थळ पडताळणी सही.

ग) विकास योजना (DP Plan) किंवा प्रादेशिक योजना (TP Zonning Certificate) मधील क्षेत्राचा दाखला.

२. टप्प्याटप्प्याने सविस्तर कार्यपद्धती

1. प्रारंभिक आवक नोंद व टेबल छाननी: SDO कार्यालय किंवा अर्जदाराकडून प्राप्त अर्ज मध्यवर्ती आवक विभागात नोंदवून तांत्रिक शाखेकडे पाठवला जातो. कागदपत्रांची पूर्तता तपासली जाते; अपूर्ण अर्ज असल्यास त्रुटी पत्रासह अर्जदाराकडे नोंदवहीत नोंद करून परत पाठवला जातो.
2. उपविभागाकडे हस्तांतरण व नोंद: पूर्ण प्रस्ताव तांत्रिक पडताळणीसाठी संबंधित उपविभागीय अभियंता (SDE, PWD) यांच्या कार्यालयाकडे वर्ग केला जातो आणि उपविभाग रजिस्टरमध्ये त्याची नोंद घेतली जाते.
3. स्थळ पाहणी व रस्त्याच्या मध्यभागापासून अंतराची मोजणी: उपविभागीय अभियंता किंवा उपविभागीय शाखा अभियंता हे प्रत्यक्ष जागेवर (गट/सर्व्हे नंबर) जाऊन पाहणी करतात. रस्त्याचे वर्गीकरण (राष्ट्रीय महामार्ग / राज्य महामार्ग / प्रमुख जिल्हा मार्ग / ग्रामीण रस्ता) निश्चित करून स्केलप्रमाणे रस्त्याच्या मध्यापासून जागेचे अंतर मोजले जाते.
4. इमारत रेषा व नियंत्रण रेषा निश्चिती: शासकीय नियमानुसार (IRC व पीडब्ल्यूडी मानकांनुसार) रस्त्याच्या रुंदीनुसार आवश्यक 'इमारत रेषा' (Building Line) व 'नियंत्रण रेषा' (Control Line) ले-आऊट नकाशावर अचूक दाखवली जाते.
5. नकाशा प्रमाणीकरण व तांत्रिक स्वाक्षरी: तपासणी केलेल्या नकाशावर उपअभियंता (SDE) यांचा स्पष्ट तांत्रिक शेरा, रस्त्यापासूनची अंतरे आणि सही-शिक्का समाविष्ट केला जातो.
6. कार्यकारी अभियंता (EE) पाहणी व अंतिम मंजुरी: कार्यकारी अभियंता यांच्या कार्यक्षेत्र दौऱ्या दरम्यान प्रत्यक्ष जागेची खातरजमा केली जाते. सर्व बाबी नियमानुसार असल्यास अहवालास अंतिम मंजुरी दिली जाते.
7. "Only for N.A." शिक्का व अभिलेख नोंद: मंजूर ले-आऊट नकाशावर अनिवार्यपणे "Only for N.A. Purpose" असा शिक्का मारला जातो. अंतिम NOC अहवाल महसूल प्राधिकरणास (SDO/Collector) पाठवून, प्रकरणाची नोंद आवक-जावक रजिस्टरमध्ये करून प्रकरण नस्तीबद्ध (File) केले जाते.