Procedure to obtain NOC for Non-Agricultural Land from PWD

बिनशेती (अकृषिक) ना हरकत दाखला देणे
(रहिवास/ वाणिज्य/ औद्योगिक)

नियमावली: शासन निर्णय क्रमांक आर बी डी/1081/871/ रस्ते-7/ दिनांक 09/03/2009

१. आवश्यक कागदपत्रे

1. प्रांत अधिकारी यांचे पत्र (रहिवास/ वाणिज्य/ औद्योगिक)
2. ७/१२ उतारा (३ महिन्याच्या आतील तारखेचा)
3. गाव नकाशा: गट नंबर/सर्वे नंबर दर्शविलेला (रंगाने दर्शविण्यात यावा)
4. तालुका भूमापन अधिकारी यांचा मोजणी नकाशा
5. ले-आऊट प्लॅन: यावर आर्किटेक्ट आणि जमीन मालक यांच्या स्वाक्षऱ्या अनिवार्य.
6. ७/१२ उताऱ्यावर एकापेक्षा अधिक नावे असल्यास:
   • संमती पत्र
   • टीएलआर (TLR) नकाशावर सर्वांच्या स्वाक्षऱ्या
   • उपअभियंता यांची सही

२. कार्यपद्धती

1. कागदपत्रांची पूर्तता झालेली असल्यास प्रकरण त्वरित उपविभागाकडे पाठवावे.
2. कागदपत्रे अपूर्ण असल्यास, प्रकरण मूळ प्रतीसह संबंधित अर्जदाराकडे त्रुटी पूर्ततेसाठी परत पाठवावे आणि कार्य विवरण नोंदवहीमध्ये त्याची नोंद घ्यावी.
3. विभागीय स्तरावरील तपासणी:
   1. रस्त्याच्या मध्यापासून जागेचे अंतर स्केल (Scale) प्रमाणे तपासावे.
   2. नकाशावर उपअभियंता यांचा शेरा आणि अंतरे दर्शवून त्यांची स्वाक्षरी असावी.
   3. ना हरकत दाखला देण्याबाबतचा स्पष्ट खुलासा पत्रात नमूद असावा.
   4. कार्यकारी अभियंता यांच्या दौऱ्याच्या वेळी प्रत्यक्ष जागेची (गट/सर्वे नंबर) खातरजमा केलेली असावी.
   5. सर्व बाबींची पूर्तता झाल्यावर अंतिम मंजुरीसाठी सादर करावे.
   6. नकाशावर "Only for N.A." असा शिक्का मारण्यात यावा.
   7. अहवाल प्राप्त झाल्यावर प्रकरण नस्तीबद्ध (File) करून नोंदवहीत नोंद घ्यावी.